Abre en Pontevedra a Mostra Internacional de Realidade Virtual e Patrimonio

Onte inaugurouse en Pontevedra a segunda edición do TEK-FEST, un encontro de Tecnoloxía e Patrimonio que este ano está dedicado á realidade virtual, amosando unha selección de 6 obras internacionais con contidos de realidade virtual realizados en Galicia. Deste xeito, poderanse ver producións sobre a cegueira, unha viaxe á tradición musical mexicana ou Fragments, un filme de moda rodado na Illa de San Simón en 360º e estereoscopía. A Mostra permanecerá aberta ao público no Museo de Pontevedra o martes, mércores, xoves e venres de 17h a 21h e o sábado de 11h a 14h e de 17h 1 21h. A entrada é gratuíta.