Servir de ponte entre institucións e cidadanía "para democratizar os recursos máis avanzados da cultura do século XXI, como a fabricación dixital, os mundos virtuais ou o patrimonio tecnolóxico". Este é o obxectivo co que se presentaba o pasado venres a segunda edición do Tek-Fest, o encontro de cultura dixital que se vai celebrar en Pontevedra do 25 ao 30 de setembro. Centrado na relación entre novas tecnoloxías e patrimonio cultural, o programa inclúe obradoiros sobre a aplicación de realidade virtual á recuperación de fotografías antigas, un sobre a creación de superficies e tecidos ou unha mostra de contivos internacionais de realidade virtual. Ademais, faraxe unha homenaxe a inventores do século XX como os irmáns Portela Seijo e reconstruirase o Organ Sound, sistema de sonido inventado por eles, co que se realizará unha acción sonora pola cidade. A organización anuncia máis novidades no programa para vindeiras datas.
