María del Carmen Caramés imponse no XXI Premio de Poesía Avelina Valladares

O Concello da Estrada daba a coñecer onte o fallo do xurado da vixésimo primeira edición do Premio de Poesía Avelina Valladares. A psicóloga e profesora de Santa Comba María del Carmen Caramés impúxose entre os corenta e un participantes desta xeira co trallo que presentou baixo o lema As idades perdidas (Scripta manent). O xurado, composto por Guadalupe Porto Gañete, Clara Isabel Iglesias Cortizo, Rosalía Morlán Vieites, David Otero Fernández e Dolores Araújo Arias, que actuou como secretaria, destacou "que se trata dun poemario de conxunto unitario de momentos e reflexións de feitos no decorrer dos tempos mentres derredor contextualízase o esencial. Nese percorrido e tempos danse as conquistas no que pensamos e así avanzamos, imos, pulsamos e no medio, do que facemos, o asombro". A gañadora recibirá 2.000 euros que se entregarán durante a Festa da Poesía, no mes de decembro.