Unha obra "cunha rica construción poética desde o idioma asumido" e na que abondan as referencias a outros poetas do país. Así describiu o xurado do XVIII Premio Avelina Valladares de Poesía, que convoca anualmente o Concello da Estrada a obra que se impuxo nesta edición. Rafael Lobelle, cun poemario que presentou baixo o lema Zarapelo, resultou gañador entre os 15 aspirantes e fíxose cos 2.000 euros do premio. Lobelle, que xa se fixera recentemente co premio Díaz Jácome, verá editado o seu traballo da man do Concello.
