Silvia Penas obtén o XIX Premio de Poesía Avelina Valladares

O traballo presentado co lema Diario de ladras, bailarinas, asasinas e flores - Vita la Vita valeulle á viguesa Silvia Penas se facer co Premio de Poesía Avelina Valladares. O xurado da XIX edición do certame daba a coñecer onte a súa resolución, a destacar da obra "a súa coidada estructura literaria, na que a secuencia do andar dos días vai trazando un esquelete harmonioso e que lle dá á obra consistencia, cualidade e boa lectura". Neves Soutelo, David Otero, Óscar Javier Castro e mais Dolores Araújo, como secretaria, foron os encargados de seleccionar o poemario que se impuxo entre os 32 presentados, todos eles de calidade, segundo sinalaron. O galardón, que convoca anualmente o Concello da Estrada, está dotado con 2.000 euros.