O Consello da Xunta aprobaba onte o Proxecto de lei de espectáculos públicos e actividades recreativas, un novo texto que afectará á celebración de grandes eventos, verbenas ou festivais, tanto en establecementos abertos ao público como ao aire libre, entre outras actividades culturais. Co obxectivo de favorecer a seguridade neste tipo de iniciativas, a Lei prevé un incremento ata os 600.000 eruos das sancións por superar aforos, a necesidade de contar con seguros para a celebración de verbenas ou un plan de inspeccións. Os concellos pasarán a contar con competencias para modificar os horarios deste tipo de actividades, e regularase o dereito de admisión para evitar discriminacións. A Xunta asegura que con este texto pretende regular "a protección dos menores, a defensa dos consumidores, o respecto polo medio ambiente, a loita contra actitudes discriminatorias e a conservación do noso patrimonio histórico-artÃstico e cultural".
