O concello da Coruña anunciou onte, a través do seu concelleiro Xiao Varela, que a xestión da programación e apertura da antiga prisión da Coruña foi concedida ao Proxecto Cárcere, a plataforma constituÃda para a recuperación do antigo edificio carcelario. As obras para a consolidación do edificio serán adxudicadas en setembro e suporán a reparación de deficiencias derivadas do abandono do plataforma e a partir de fin de ano, esta plataforma poderá comezar a xestión do espazo. Segundo sinala Sermos Galiza, constituirase unha comisión mixta entre concello (que é o titular da cesión da propiedade por parte do Estado) e Proxecto Cárcere para facer o seguimento dos acordos, e no que se reserva un 40% dos contidos da programación para actividades relacionadas coa memoria histórica e outras "que non teñan lugar noutros espazos da cidade con carácter regular".
