Xaquín López dirixirá o Auditorio de Galicia

O Concello de Santiago anunciaba onte o resultado do proceso de selección para elixir un novo director-xerente para o Auditorio de Galicia. Xaquín López González foi finalmente o profesional escolleito para levar as rendas desta institución. Este licenciado en Filoloxía Galega pola Universidade de Santiago "ten unha longa experiencia relacionada coa dirección e xestión de proxectos culturais. Na actualidade é produtor executivo dos espazos culturais de Ferrol, en concreto do Teatro Jofre, o Auditorio e o Centro Torrente Ballester", segundo explica o web do concello. Un comité de avaliación presidido polo alcalde, Martiño Noriega e integrado pola xerente do Consorcio, a vicerreitora de Cultura da USC, un representante do Consello da Cultura Galega, e expertos en artes escénicas e visuais foi o responsable da selección. Esta é a primeira ocasión no que o posto se cubriu mediante unha convocatoria aberta.