Desde que no ano 2003 Jabier Sabadie deixou de ser o director do Teatro Rosalía de Castro por motivos persoais, o posto quedara vacante. O seu substituto, convocatoria pública de por medio, será Paulo Rodríguez. Actualmente ocupa o posto de director-xerente do Auditorio de Galicia, no que desenvolveu un modelo de xestión moi acorde coa liña da concellaría de Cultura de Santiago, baseado na integración da cidadanía nas súas actividades. Rodríguez tomará posesión do seu novo cargo o vindeiro 2 de maio.
