Espolio da Casa dos Mouros. Imaxe de Mariña Patrimonio.
Unha corta e plantación de eucaliptos realizadas con maquinaria pesada desturíron o dólmen coñecido como Casa dos Mouros de Lobeira (Budián, O Valadouro). As asociacións ADEGA e Mariña Patrimonio denunciaron os danos causados a este elemento patrimonial, que inclúen a escavación do túmulo con pás mecánicas ademais do espolio de dous dos esteos da peza. Unha destas pedras resultou partida e quedou no lugar, mentres o Servizo de Protección da Natureza da Garda Civil (SEPRONA) localizou o outro no xardín dunha casa do Concello de Foz, onde fora trasladado.
