Chévere recupera tres musicais clásicos para celebrar os seus trinta anos

A celebrar as súas tres décadas de traballo a compañía Chévere recupera tres obras musicais xa clásicas da súa carreira, que se poderán ver ao longo do mes de xullo en Compostela. Deste xeito, Río Bravo primeiro grande éxito do grupo, poderá verse no Teatro Principal entre o 4 e o 9 de xullo, mentres o Auditorio de Galicia acollerá entre os días 12 e 14 as representacións de Annus Horribilis. Finalmente, a Praza da Quintana será o escenario dunha representación gratuíta da Ultranoite no País dos Ananos o día 19 do mesmo mes. A compañía asegura que con presentación conxunta e exclusiva destas funcións a compañía quere reivindicar o seu vínculo coa capital galega. As entradas están xa á venda a través de Abanca. Río Bravo tamén se poderá ver na vindeira edición da Mostra de Teatro Cómico de Cangas.