Cerámica castrexa e un anaco de sigillata (cerámica romana de importación) permiten constatara a ocupación durante finais da Idade do Ferro do Campo do Castro, en Cedeira. As catas, levadas a cabo polo arqueólogo Emilio Ramil, evidencian a existencia de relacións comerciais por mar. O Concello está a xestionar con dous propietarios de parcelas próximas (as que están a ser prospectadas agora son de titularidade municipal) a ampliación dos estudos. Para Ramil, o castro conserva dous foxos e dous parapetos, se ben se atopa afectados polas obras dun castelo do Antigo Réxime localizado nas proximidades.
