Falece o economista e escritor José Luis Sucasas

O coñecido economista, concelleiro do BNG en Lalín, escritor e columnista de opinión José Luis Sucasas finou esta fin de semana mentres practicaba deporte na Toxa. Sucasas era un activo colaborador de medios de comunicación e escritor de narrativa O paxaro que ninguén ve (2002), Soñaron buratos na terra (2003), Pena Furada (2012) e Nunca foi día de todo (2014), así como ensaio Outra vaca no millo(2010). Sucasas desenvolvera ademáis unha frecuente faceta de columnista en medios electrónicos como Vieiros ou Praza Pública.