Comeza a XI Bienal Pintor Laxeiro con Sucasas como artista convidado

Esta tarde arrinca en Lalín a XI Bienal Pintor Laxeiro. Unha edición composta por 52 obras gañadoras nas disciplinas de pintura, escultura e fotografía. O espazo expositivo distribúese entre o Museo Municipal e o Espazo Cultural do Castro Tecnolóxico, o edificio do concello de Lalín. Nesta edición o artista convidado é Alfonso Sucasas (1940-2012)do que se exhibirán 11 obras. A bienal contará cun catálogo financiado pola Consellería de Cultura e Educación, quen tamén facilitará a distribución. A mostra clausúrase o 7 de xuño, día que se fará entrega das dúas bolsas para participar na XII Xuntanza Internacional Artes Plásticas en xullo de 2014. Esta edición só terá 6.000 euros para compra de obra.