O Museo das Peregrinacións recupera os cadros mitolóxicos de Sucasas sobre o Camiño

O Museo das Peregrinacións, en Santiago de Compostela, acollerá unha exposición do pintor lalinense Alfonso Sucasas centrada en representacións xacobeas. A exposición, titulada "Sucasas, camiño e mitoloxía" ten a particularidade de que recupera cincuenta e tres cadros que o pintor preparara para o Xacobeo 93 e que foron expostos na Casa da Parra nese ano e posterioremente, no ano 20000, na Casa da torre de Redondela. As obras estaban gardadas nunha nave da Xunta en Arzúa e, segundo La Voz de Galicia, foi a viúva de Sucasas quen chamou a atención sobre este conxunto de obras do pintor que non estaba visible ao público. En total son 56 obras, das cales hai 34 óleos, tres trípticos de gran formao e unha veintena de bocetos. A exposición está comisariada por Pilar Corredoira.