Alfonso Sucasas
Alfonso Sucasas, considerado como un dos últimos clásicos da pintura galega, falecía onte na súa casa de Vila de Cruces aos 72 anos. Logo de varios problemas de saúde nos últimos meses, o deceso aconteceu na intimidade familiar. O pasado mes de xaneiro abría en Vigo a última exposición dos seus traballos, unha antolóxica na que se repasaba a súa carreira a través de cincuenta pezas e que amosaban a súa evolución desde os temas populares ao expresionismo.
