A Xunta outorga 300.000 euros á Catedral de Santiago para a recepción de peregrinos

O Consello da Xunta aprobou onte o convenio de colaboración coa Catedral de Santiago de Compostela polo cal proporcionará 300.000 euros á institución da Igrexa para diversas iniciativas, coma o "reforzo de material e persoal do Centro Internacional de Acollida aos Peregrinos de Santiago" ou actividades coma o "Congreso de Acollida Cristiá, así como a edición de revistas ou publicacións". Esta oferta de recepción de visitantes engádese á estrutura de atención de turistas da propia Xunta de Galicia no casco vello de Compostela.