O Diario Oficial de Galicia recolle hoxe a formalización dos contratos de servizos para a rehabilitación de zonas do mosteiro de Oseira e da catedral de Mondoñedo. En concreto, en Mondoñedo acometerase a restauración da cuberta da catedral e do claustro, por un importe de 45.000 euros, e en Oseira aprobouse a redacción do proxecto básico e de execución (PBE) e a dirección de obra (DO) para a conservación e posta en valor do cenobio, por un valor de 51.800 euros. As obras están financiadas con fondos europeos FEDER.
