A Fundación Penzol escolle a Manuel Puga como presidente

O Padroado da Fundación Penzol escolleu a pasada semana un novo presidente. Manuel Puga, presidente da Academia de Farmacia será o novo responsable desta entidade. Puga substitúe neste posto a Alfonso Zulueta de Haz, que desde hai un tempo está incapacitado por motivos de saúde para desempeñar o seu labor. No mesmo encontro, acordouse o nomeamento de Zulueta como Presidente de Honra da entidade. Francisco Domínguez continuará, pola súa banda, como director da Fundación.