Xavier Martínez Cobas é o novo conselleiro delegado de Galaxia

O profesor de Economía Aplicada da Universidade de Vigo Xavier Martínez Cobas é o novo conselleiro delegado de Editorial Galaxia e Merlín Comunicación. O anterior Conselleiro Delegado, Manuel Meixide, foi nomeado Vicepresidente Segundo das dúas empresas. A dirección das empresas continuará a ser desempeñada por Víctor F. Freixanes. Así o decidiu o grupo de empresas e fundacións, dentro dun "proceso de renovación e incorporación de novos conselleiros". Benxamín Casal será presidente de Galaxia e de Merlín Comunicación e Alfonso Zulueta de Haz asume a Presidencia Executiva da Fundación Penzol. Xaime Isla Couto foi nomeado "por razóns de recoñecemento e saúde", Presidente de Honra de Galaexia e Merlín Comunicación e Blanca Jiménez Alonso, viúva de Fermín Penzol, asume a Presidencia de Honra da Fundación Fermín Penzol.