Blanca Jiménez na sede do Consello da Cultura. 2002.
Viúva de Fermín Penzol e durante anos presidente da Fundación que leva o apelido, Blanca Jiménez de Penzol falecía esta mañá. En febreiro asumía a Presidencia de Honra da entidade en recoñecemento ao seu traballo e atendendo ao seu xa delicado estado de saúde. Jiménez fixo parte do plenario do Consello da Cultura como representante da Fundación entre 2001 e 2008. Os funerais celebraranse mañá, 6 de outubro, ás 18:15 no Tanatorio de Boisaca, en Compostela.
