A Fundación Penzol prepara unha gran exposición sobre o seu fundador

Co título de Fermín Penzol: unha obra para un país, a Fundación dedicada a esta figura da nosa cultura emprenderá, co apoio da Consellería de Cultura, un programa de recuperación do persoeiro. O proxecto céntranse na exposición Fermín Penzol: unha obra para un país, que estará aberta ao público entre outubro e novembro de 2010 e na que se exporán fondos, gravados e fotografías do arquivo da Fundación. A mostra contará cun ciclo paralelo de conferencias e un libro sobre a significación de Fermín Penzol e a súa Fundación no proceso de recuperación da cultura galega. O proxecto está financiado pola Consellería de Cultura e a Deputación de Pontevedra.