Desvélanse 900 novas fotografías da Guerra Civil

O Museo do Pobo Estradense dixitaliza a colección de Mario Blanco Fuentes

O Museo do Pobo Estradense dixitaliza a colección de Mario Blanco Fuentes
Foto: Mario Blanco Fuentes
Algo así non aparece todos os días. O Museo do Pobo Estradense dixitalizou a colección fotográfica de Mario Blanco Fuentes, un veciño da localidade que, como recluta do bando nacional durante a Guerra Civil, foi membro do equipo fotográfico do corpo do exército de Galicia. Deste xeito, a colección fotográfica amosa reclutas, concentracións, desprazamentos militares, prisioneiros republicanos ou escenas máis cotiás, como vilas ou mozas coñecidas. As fotografías eran secreto militar, pero Mario Blanco conseguiu un selo da censura grazas ao cal podía enviar as fotografías á súa casa sen risco. Son novecentos negativos que ofrecen unha visión da Guerra Civil desde os continxentes galegos reclutados por Franco e dos que o Museo do Pobo Estradense amosa na súa web unha pequena escolma.