A exposición Paisaxes humanizadas, terras vividas amosa no Museo do Pobo o mundo agrario lugués

O fotógrafo Luís Higinio Flores leva moitos anos documentando a paisaxe galega desde unha perspectiva etnográfica. Nesta exposición, Paisaxes humanizadas, terras vividas, que se inaugura hoxe ás 20 h. no Museo do Pobo Galego, en Santiago de Compostela, Flores achega sesenta imaxes do mundo agrario lugués, construíndo unha paisaxe fotográfica. Como sinala o comisario da exposición, José Luis Mingote, "a paisaxe é a "visión" conceptual do ámbito, sexa natural ou con inclusión de producións humanas, non é o medio. Ata os séculos XV e XVI a palabra non aparece nas linguas europeas e o que agora chamamos paisaxe era denominado "país". A exposición poderase visitar no Museo do Pobo Galego ata o 26 de outubro.

Un avance da exposición

Fotografía de Luís Higinio Flores

Fotografía de Luís Higinio Flores