Un concurso para incrementar a presenza de vÃdeos en galego na rede. Esta é a base do proxecto Youtubeir@s, que se presentaba onte ao público da man de once concellos en colaboración coas tres universidades. A Baña, A Coruña, Ames, Carballo, Mazaricos, Ourense, Pontevedra, Ribadeo, Santiago de Compostela, Teo e O Grove son os municipios que promoven esta iniciativa, que outorgará un premio de mil euros e catro mencións de quiñentos aos mellores vÃdeos que se inscriban entre o 1 de decembro e o 28 de abril. Os interesados en participar só teñen que ser maiores de catorce anos e inscribir os seus traballos na categorÃa "vÃdeo-facermos", destinada a titoriais en formato audiovisual, ou "vÃdeo-opinarmos", na que se poden expor valoracións e ideas, cun máximo de 5 minutos de duración e sempre en galego. O proxecto complétase con obradoiros de videocreación teóricos e prácticos que a produtora Illa Bufarda impartirá en concellos e entidades que o soliciten.
