Nace o programa Apego para favorecer a transmisión da lingua

Incrementar a transmisión do galego no seo das familias e favorecer unha maior presenza da nosa lingua como inicial entre os máis novos. Estes son os obxectivos do programa Apego, que se presentaba onte ao público. Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago de Compostela e Vigo son os concellos que onte asinaban o protocolo de colaboración para pór en marcha esta iniciativa. Entre outras medidas, o proxecto prevé distribuír 5.000 caixas con material na nosa lingua a mulleres embarazadas, crear unha rede de familias e desenvolver obradoiros e actividades. O proxecto porase en marcha ao longo do mes de maio.