O Concello de Ferrol acolleu onte a presentación do fallo do Premio Concepción Arenal de Humanidades. O profesor de filosofía Marcelino Agís Villaverde fíxose co galardón nesta edición polo seu traballo Anatomía del pensar. El discurso filosófico y su interpretación, que o xurado seleccionou entre as vinte e cinco obras que se presentaron ao certame. A Universidade da Coruña e Concello de Ferrol convocan de xeito bienal este galardón, dotado con 12.000 euros. No acto tamén se deu a coñecer o gañador do premio Suárez Llanos, que recoñeceu o traballo "Software para el análisis computacional del diseño de sistemas de fondeo en buques de gran tamaño", asinado por Daniel Dopico Dopico.
O xurado do premio Concepción Arenal, que tomou a decisión por unanimidade, estaba composto por Wenceslao J. González Fernández, María José Arroja Baliña, Juan Arana Cañedo-Argüelles, José Luis Piñuel Raigada e Ramón J. Noguerol Gómez, ademais dun representante do Concello de Ferrol.
