A X edición do Premio Manuel Murguía de Ensaio que convoca a Deputación da Coruña foi para o filósofo Marcelino Agís. O xurado recoñeceu o seu traballo Historia do pensamento galego contemporáneo, na que fai "un percorrido ameno, preciso e ben documentado polos distintos movementos filosóficos da contemporaneidade así como das principais figuras do pensamento filosófico galego". O galardón reportaralle a Agís 6.500 euros en metálico e mais a edición da obra pola Deputación da Coruña. O xurado estaba composto por Rosario Sarmiento, Purificación Galán Boutureira e Gonzalo de la Huerga Fidalgo, con Elisardo López Varela como comisario.
