Danza contemporánea en espazos herdados de Santiago de Compostela. Esta é a proposta coa que se presentaba esta mañá na capital galega HerDanza, un novo ciclo que se desenvolverá entre o 5 e o 10 de setembro en diferentes prazas e lugares monumentais da cidade. A iniciativa, que organizan as compañías Can Cun Quinqué, Cisma e La Incidente D-T, e dirixen
Isabel Sánchez Temprano e Leodan Rodríguez Casas achegará actuacións en pequeno formato a cargo de Sinvergoña, Marta Alonso, Paula Quintas, Efímero Divadlo ou Olga Cameselle, entre outros. Ademais, o programa inclúe obradoiros e mesas redondas sobre a danza contemporánea.
