Identifican en Arbo un dos primeiros espazos de ocupación humana de Galicia

Nunha nota de prensa remitida onte, o equipo de investigación do sitio arqueolóxico paleolítico do Cabrón, en Arbo, acaban de facer públicas as datacións obtidas no solo dox camento. Segundo estas datacións obtidas por Resonancia Paramagética Electrónica, permiten determinar que a ocupación do Cabrón prodúcese entre os 130.000-240.000 anos. "Estes datos confirman que este xacemento é de longo un dos máis antigos de Galicia", sinalan os arqueólogos Eduardo Méndez-Quintas, Manuel Santonja e o xeólogo Alfredo Pérez-González, que realizaron a investigación ao abeiro do Instituto de eStud. Entre os achados do Cabrón, os científicos destacan, "os dous niveis con presenza humana mostran un escenario de ocupación pouco común no contexto da Península Ibérica. Constátase a introdución deliberada de gran cantidade de bloques de pedra (centos de kg) que foron convertidos en ferramentas no propio xacemento. Así mesmo, detéctase a maior concentración de ferramentas por m2 coñecida nun xacemento desta cronoloxía ao aire libre en toda a Península Ibérica", ademáis de que as pezas obtidas "representan, ata o momento, o mellor e máis numeroso conxunto (de ferramentas do final do achelense da Península Ibérica procedente dunha escavación".