Hai xa quince anos que comezaba a súa andaina na Coruña Mundos Digitales. O festival internancional que aborda a creación en ámbitos como a animación, os efectos especiais, os videoxogos e a arquitectura dixital bota a andar esta mañá a súa nova edición. Profesionais e afeccionados destes ámbitos danse cita unha vez máis nun encontro que conta nesta ocasión con convidados como os responsables de efectos e produción en filmes como Animal Crackers, Warcraft. A orixe, O libro da selva, Independence Day. Contraataque ou Capitán América, Civil War. Conferencias, presentacións e entrevistas profesionais comparten espazo no programa con eventos dedicados ao software libre. Como novidades, destaca un espazo centrado nos Novos media e atención que esta xeira dedica á realidade virtual e aumentada.
