Videoxogos, efectos especiais e animación na nova edición de Mundos Dixitais

A nova edición de Mundos Dixitais, o festival dedicado á animación dixital de carácter anual organizado pola Universidade da Coruña dedícase á infoarquitectura. Neste sentido, dunha banda traerá aos especialistas máis recoñecidos na arquitectura 3D e da outra premiará aos mellores profesionais deste sector. Canda eles desenvolveranse as tradicionais xornadas de conferencias e de efectos especiais, cine ou videoxogos que contarán coa presenza de técnicos de Píxar, Walt Disney, Gobelins ou Ilion.

O programa de Mundos Dixitais contará con varias novidades, entre elas destacan as sesións de "recruitment", que permitirá aos candidatos que o desexen presenten os seus traballos e habilidades aos responsables das empresas que asistan aos seminario. Canda esta, e no apartado exopsitivo, destaca a proxección de "Electronic Theater 2007" que exhibirán as mellores escenas das obras presentadas ao Computer Animation Fetival que se celebra anualmente no SIGGRAPH.

Por último, 216 traballos de 35 países participan no Festival Internacional de Curtas de Animación que se estrea este ano no marco do Mundos Dixitais.