Fotograma de John FromJohn From, a longametraxe do director portugués João Nicolau foi declarada vencedora do Festival Novos Cinemas, que clausuraba onte, domingo 3 de xullo, a súa primeira edición en Pontevedra. O xurado internacional desta xeira formado por Ana Isabel Strindberg, Jonás Trueba e Diana Toucedo, outorgou tamén unha mención especial ao filme Lu Bian Ye Can (Kaili Blues), de Gan Bi, "por transmitir a experiencia de construír unha forma e un relato cinematográfico poderoso dende un gran rigor formal e estético que se cuestiona e transforma ao longo da súa metraxe, creando misterio e fascinación".
En paralelo, o "xurado novo", formado por Flavia Rodríguez, Iria Silvosa, Pablo Vázquez, Santiago Morales e Nerea Darriba, declarou vencedor do premio Screenly o filme Short Stay, de Ted Fendt. Pola súa banda, o premio do público, que se convoca en colaboración coa Axencia Galega das Industrias Culturais, recoñeceu o filme Siembra de Santiago Lozano e Ángela Osorio, que se poderá ver proximamente no circuítos de salas Cinemas de Galicia.
