Finaliza a primeira fase do proxecto do castro de San Lourenzo

O 20 de abril de 1949 un grupo de guerrilleiros galegos foron cercados pola Garda Civil nunha casa de labradores, entre as parroquias de Cereixa (Pobra do Brollón ) e Chavaba (Monforte de Lemos). Aquel episodio supuxo o principio da fin da guerrilla antifranquista en Galicia. Non é habitual que un equipo arqueolóxico escave en Galicia restos dos enfrontamentos entre guerrilleiros e forzas franquistas, pero o que lidera Xurxo Ayán exhumou os restos da casa, a súa cultura material e mesmo un casquillo de bala correspondente á época do enfrontamento. O equipo continuará en agosto, escavando o castro de San Lourenzo, tamén en Cereixa, unha antiga fortificación da Idade do Ferro que contén tamen os restos dunha capela que se pretende recuperar.