O proxecto arqueolóxico de San Lourenzo edita un disco para recabar fondos

O proxecto arqueolóxico do Castro de San Lourenzo, na parroquia de Cereixa da Pobra do Brollón (Lugo) está a probar unha nova vía de financiamento para continuar coas intervencións arqueolóxicas: a edición dun disco de música. Coa participación de diferentes músicos da localidade que xa veñen, desde hai anos, participando nas romarías de celebración, o disco titúlase coa plegaria "San Lourenzo vén a nós", recuperada polo equipo do proxecto como parte do ritual asociado ao santo da ermida do castro. O disco está composto por temas dedicados ás lendas do enclave arqueolóxico, como "O burato dos mouros" ou aos achados das campañas de escavación, como "O Atilano de Cereixa", dedicado ao primeiro esquelete completo de época medieval recuperada na necrópole da ermida do castro. Editáronse 500 copias e atópase á venda nos comercios da Pobra do Brollón. Trátase dunha iniciativa singular sen precedentes coñecidos no ámbito do Estado.