Desde 1924 non se vían e público e perdéraselles a pista logo dos anos 30. Agora, volven saír á luz. Técnicos do Museo de Pontevedra conseguiron localizar os debuxos orixinais que realizou Castelao para o seu álbum Nós, e que estaban custodiados nunha colección privada. As pezas poderán verse a partir de hoxe, 28 de xuño, no marco da exposición Meu Pontevedra, coa que o Museo Provincial afonda na relación do autor coa cidade. Canda a estes debuxos, a mostra recolle óleos, acuarelas, gravados ao linóleo, fotografías, libros, revistas, xornais, cartas, manuscritos, propaganda e carteis electorais ata o vindeiro 11 de setembro.
