Reloxo de peto de muller, s. XIX
As xoias que fan parte dos fondos do Museo de Pontevedra protagonizan unha da actuais exposicións deste centro. A mostra As xoias e o seu reflexo recolle pezas desde a Antigüidade ao século XX atendendo á "xoiaría tradicional, as relacionadas coa maxia e a relixión, as de carácter sentimental, as de loito, as miniaturas, as condecoracións ou os reloxos". Canda a este material, a mostra achega tamén outros elementos como pinturas, debuxos, gravados, fotografías, obxectos decorativos ou pezas de indumentaria que amosan a relación das xoias con outras formas de arte. A iniciativa, que se complementa con actividades de divulgación como visitas guiadas e obradoiros infantís e para adultos, pode verse ata o vindeiro 2 de marzo.
