Centro Emisor na Praza do Obradoiro, Santiago. 1962
Rafael Moneo. Unha Reflexión Teórica dende a Profesión. Materiais de arquivo 1961-2013 é o título da exposición que abre esta tarde a Fundación Barrié na súa sede da Coruña. A primeira retrospectiva que se fai sobre o recoñecido arquitecto navarro ocupará a programación do centro ata o vindeiro 30 de marzo. Na mostra,comisariada por Francisco González de Canales da Architectural Association de Londres, poden verse 18 maquetas, 142 fotografías e 98 debuxos orixinais. Ademais do material exposto, a iniciativa está complementada coa edición dun catálogo e actividades educativas.
