Preséntase Voaxa e Carmín, a obra que gañou o X premio Abrente

A vindeira edición da Mostra Internacional de Teatro de Ribadavia que se celebrará entre o 16 e o 24 de xullo, acollerá a estrea de Voaxa e Carmín, a obra coa que Esther F. Carrodeguas gañou o pasado verán a décima edición do Premio Abrente de Textos Teatrais. Mabel Rivera e Belén Constenla encarnarán a Maruxa e Coralia, As Marías de Compostela, na montaxe que leva a escena Butacazero + Emedous. O texto premiado presentábase onte na libraría Couceiro de Compostela na edición que realizou Difusora. Xavier Castiñeira corre coa dirección desta "comedia terorífica" que explora a historia destas irmás.