Cultura presenta as liñas mestras do Mapa de Bibliotecas de Galicia

O Secretario Xeral de Cultura, Anxo Lorenzo, presentaba onte ante a Comisión 4ª de Educación e Cultura do Parlamento as liñas xerais do Mapa de Bibliotecas Públicas de Galicia. Esta ferramenta de planificación recolle a situación deste tipo de equipamentos por todo país. Segundo sinalou Lorenzo, "o mapa galego conclúe que os fondos documentais, os puntos de lectura e as horas de apertura presentan un grao elevado de adecuación aos estándares, mentres que os espazos, os puntos de acceso informático e o persoal son os recursos que contan cun menor nivel de adecuación". Así, só un 40% das bibliotecas presentan un nivel de adecuación alto en persoal. Asimesmo, os datos revelan que 57 concellos do país carecen de servizos deste tipo.