Os lugares da cultura

O Consello da Cultura Galega presentaba esta mañá o Mapa de Equipamentos Culturais de Galicia. Esta aplicación web xeolocaliza todo tipo de instalacións con posibilidades neste campo. De Palacios da Ópera nas grandes cidades ata salas de reunións nos máis recónditos centros culturais do rural, o mapa permite coñecer polo miúdo todo tipo de características técnicas destes esquipamentos.

Segundo explicou Håkan Casares, do Observatorio da Cultura, “con esta iniciativa trátase de crear ferramentas útiles de cara á programación cultural. Os programadores poden consultar, por exemplo, cantos escenarios con determinado tamaño, salas de exposicións con luz natural ou auditorios cun número mínimo de prazas están dispoñibles no país para preparar unha xira”. Polo momento, cóntase na rede cuns 3.500 elementos localizados, aínda que quedan pendente por incorporar diferentes concellos. Segundo puntualiza Casares, “este é un proceso aberto ao que se irán incorporando aos poucos novos equipamentos”.