O Ministerio pon na rede un mapa interactivo con equipamentos culturais

Un Google Maps da Cultura. Isto aproximadamente é o que achega Geocultura, a nova ferramenta que o Ministerio de Cultura acaba de incluír no seu web. A proposta permite localizar de xeito exacto bibliotecas, arquivos, museos, espazos patrimonio da humanidade e outros equipamentos culturais. Ademais, pódense facer buscas por localidades e por nome das instalacións. O detalle do proxecto chega ata o punto de incluír equipamento pequenos coma as axencias locais de lectura ou museos municipais.