O Pazo de Quintáns en Noalla será declarado BIC

O Pazo de Quintáns ou Pazo do Casal, na parroquia de Noalla (Sanxenxo) será Ben de Interese Cultural. O Diario Oficial de Galicia recolle hoxe a resolución pola que se incoa expediente para protexer este elemento patrimonial coa categoría de monumento. Segundo sinala a resolución, o inmoble "exemplifica a relación dun edificio relevante co seu contorno, tanto nos aspectos da súa importancia histórica como na xeneralidade dos seus valores culturais". O conxunto a protexer inclúe o pazo, a capela, as construcións auxiliares e o hórreo, ademais dos patios, praza frontal, xardín e horta murada do século XVI.