O MIPTV de Cannes, o maior mercado internacional de formatos, programas e contidos para televisión, conta un ano máis cunha nutrida presenza do audiovisual galego. Un total de catorce produtoras do paÃs participan desde onte, co apoio da Axencia Galega das Industrias Culturais, neste encontro. A cifra supón un incremento a respecto ás once empresas que asistiron na pasada edición e ás oito que compuñan a delegación en anos anteriores. Artefacto, Ficción, Filmanova Invest, International Audiovisual Communication, Intuitive Productions, Matriuska, Maruxiña Films, Obradoiro Cab Sad, Portocabo, Somadrome, Tree Line, VÃa Láctea, Voz Audiovisual e Zenit TV son as firmas que visitan a cidade francesa ata o vindeiro sete de abril.
