O xurado do Premio Manuel Lueiro Rey de poesía seleccionou a obra Exhumación de Marcos Abalde como vencedora na cuarta edición deste certame. O traballo foi escolleito entre as 44 obras presentadas ao galardón, que está dotado cun único premio de 2.500 euros. O fallo apunta "o tempero dunha voz moi afinada, chea de resonancias e lecturas que soubo procesar para ofrecer unha aproximación ben persoal a temas e motivos entre os que a memoria dos desfavorecidos, represaliados e desherdados resulta decisiva". Ademais, os membros deste órgano sinalan tamén que o poemario é "posuidor dunha arquitectura moi sólida e tramada" e que a súa dicción culta deste poemario "convence polo seu poder evocador e a fulguración das imaxes labradas con gran mestría".
O autor, Marcos Abalde, xa foi recoñecido nos últimos anos con outros galardóns poéticos e teatrais como o Álvaro Cunqueiro, o Fiz Vergara Vilariño ou o Varela Buxán. O xurado do Lueiro Rey estivo composto por Luís Cochón Touriño, Mercedes Queixas Zas e Armando Requeixo, con Carmen Carreiro Montero como secretaria con voz e sen voto. A Asociación Cultural
O Cruceiro da Laxe e o Concello de Fornelos de Montes convocan anualmente esta premio poético.
