Unha exposición documental achega a emigración ao Gaiás

Un percorrido pola historia do fenómeno migratorio en primeira persoa a través de documentos dos seus protagonistas. Este é o eixe de Emigrantes: terras, xentes, emocións a exposición que abría onte o Arquivo de Galicia na Cidade da Cultura, en Santiago de Compostela. A través de 45 documentos orixinais custodiados por esta entidade, a mostra fai un percorrido polas diferentes etapas da emigración no noso país desde o século XVII. As distintas vagas migratorias a destinos como Portugal, Bos Aires ou Cuba están representadas nunha mostra que permanecerá aberta ata o vindeiro 4 de marzo.