Unha caida de vendas de preto do 30 por cento desde 2008 e a desaparición de varias empresas amosan a difícil situación que están a pasar os editores do país. Segundo recolle Europa Press, a presidenta da Asociación de Editores, Laura Rodríguez, denuncia a desaparición de axudas como a destinada a grandes proxectos editoriais e a redución doutras liñas como a destinada á adquisición de fondos para bibliotecas. Nese sentido Rodríguez apunta a necesidade de pór en valor o libro e reclama un incremento do apoio público ao sector.
