Os editores critican o "enorme atraso" na compra de novidades editoriais da Xunta

"En todos os ámbitos da edición", asegurou Manuel Bragado, presidente da Asociación Galega de Editores, "houbo unha caída das vendas do 10 e un 15 por cento". Bragado reclamou a "maior celeridade" da xunta para asinar contratos de compra de libros do sector editorial galego, xa que se está a producir un "enorme atraso". "A Consellería de Cultura non adquiriu ningún libro editado en 2009" para as bibliotecas galegas, asegura Bragado.