239 centros educativos contan xa con clubes de lectura. A Coruña é a provincia con máis iniciativas deste tipo (99), Pontevedra (79), Lugo (35) e Ourense (26), e a xulgar pola resolución da convocatoria de axudas ao funcionamento, este ano sumáronse 11 novos clubes ao listado. Os clubs de lectura funcionan como un espazo integrador e de encontro no que alumnado, nais, pais e outros membros da comunidade educativa poden intercambiar opinións e experiencias lectoras arredor dun libro. A Xunta destinou 200.000 euros ao financiamento das súas actividades.
