Fotografía do Currículo de Fefa Noia
A dramaturga e directora María José Noia Ansede, máis coñecida como Fefa Noia, será a nova coordinadora do Departamento de Produción Teatral da Axencia Galega das Industrias Culturais. O Diario Oficial de Galicia publica hoxe o acordo polo que se asina un contrato laboral de alta dirección coa candidata, que desempeñará entre os seus labores a dirección do Centro Dramático Galego. Noia impúxose no proceso de selección con 37,68 puntos cunha diferenza de case oito puntos co seguinte candidado mellor valorado. Noia formouse como directora no Teatro de La Abadía, desempeñou funcións de dirección no CDG, no Centro Dramático Nacional ou na Compañía Nacional de Teatro Clásico, ademais de desempeñar labores como dramaturga e tradutora. Tamén é fundadora da compañía Los Lunes.
